ⵜⴰⵎⴰⵛⴰⵀⵜ ⵏ ⵓⵛⵛⵏ ⴷ ⵉⵏⵉⵙⵉ: ⵜⴰⵢⵔⵣⴰ ⵏ ⵡⴰⵣⴰⵍⵉⵎ
ⵉⴽⴽⴰ ⵜⵜ ⵉⵏⵏ ⵢⴰⵏ ⵓⵣﻤⵣ, ⵓⵛⵛⵏ ⴷ ⵉⵏⵉⵙⵉ ⵎⵙⴰⵙⴰⵏ ⴰⴷ ⴳⴳⵏ ⵜⴰⴷⵔⴰⵡⵜ ⵖ ⵜⵢⵔⵣⴰ. ⵙⴼⵙⵔⵏ ⵢⴰⵏ ⵓⴳⵣⵣⵓⵎ ⵏ ⵡⴰⴽⴰⵍ, ⵣⵣⵓⵏ ⴳⵉⵙ ⴰⵣⴰⵍⵉⵎ. ⵍⵍⵉⵖ ⴷ ⵢⵓⵡⴹ ⵓⵣⵎⵣ ⵏ ⵜⵓⴽⴽⵙⴰ, ⵓⵛⵛⵏ ⵍⵍⵉ ⵉⵙⵡⵉⵏⴳⵉⵎⵏ ⵉⵙ ⵉⴳⴰ ⴰⵎⵓⵙⵏⴰⵡ ⵢⵓⴳⵔⵏ ⴽⵓⵍⵍⵓ ⵎⵉⴷⴷⵏ, ⵉⵏⵏⴰ ⵉ ⵉⵏⵉⵙⵉ:
«ⴰ ⴷⴷⴰ ⵉⵏⵉⵙⵉ, ⴰⴷ ⵏⴱⴹⵓ ⵜⴰⵢⵢⴰⴼⵓⵜ ⵙ ⵜⵖⴷⴰ. ⵏⴽⴽⵉ ⵔⴰⴷ ⴰⵎⵥⵖ ⴰⵢⵍⵍⵉ ⵉⵍⵍⴰⵏ ⴼ ⵡⴰⴽⴰⵍ, ⴽⵢⵢⵉ ⵜⴰⵎⵥⵜ ⴰⵢⵍⵍⵉ ⵉⵍⵍⴰⵏ ⴷⴷⵓ ⵡⴰⴽⴰⵍ.»
ⵉⵔⴹⴰ ⵉⵏⵉⵙⵉ. ⵍⵍⵉⵖ ⴳⵣⵏ ⵜⴰⵢⵢⴰⴼⵓⵜ, ⵢⵓⵎⵥ ⵓⵛⵛⵏ ⵉⴼⵔⴰⵡⵏ ⵉⵣⴳⵣⴰⵡⵏ ⵍⵍⵉ ⵉⵔⵣⴰⴳⵏ ⵓⵔ ⵉصلⴰⵃⵏ ⵉ ⵡⴰⵍⵓ. ⵉⵏⵉⵙⵉ ⵏⵜⵜⴰ ⵢⵉⴽⴽⵙ ⴷ ⴰⵣⴰⵍⵉⵎ, ⵉⵃⴹⴰ ⵜⵉⵔⴰⵎ ⵉⴳⴳⵓⵜⵏ ⵉ ⵜⴳⵔⵙⵜ.
ⵉⵔⴼⴰ ⵓⵛⵛⵏ ⵉⴱⴰⵀⵔ. ⴰⵙⴳⴳⵯⴰⵙ ⵢⴰⴹⵏ, ⵣⵣⵓⵏ ⵉⵎⵏⴷⵉ. ⵉⵏⵏⴰ ⵓⵛⵛⵏ: «ⵜⵉⴽⴽⵍⵜ ⴰⴷ, ⵔⴰⴷ ⴰⵎⵥⵖ ⴰⵢⵍⵍⵉ ⵉⵍⵍⴰⵏ ⴷⴷⵓ ⵡⴰⴽⴰⵍ, ⴽⵢⵢⵉ ⵜⴰⵎⵥⵜ ⴰⵢⵍⵍⵉ ⵉⵍⵍⴰⵏ ⴼⵍⵍⴰⵙ!»
ⵉⵔⴹⴰ ⵉⵏⵉⵙⵉ ⴷⴰⵖ. ⵍⵍⵉⵖ ⴷ ⵢⵓⵡⴹ ⵓⵣⵎⵣ ⵏ ⵓⵎⴳⵔ, ⵢⵓⵎⵥ ⵓⵛⵛⵏ ⵉⵥⵓⵕⴰⵏ ⵉⵇⵇⵓⵔⵏ, ⵎⴰⴷ ⵉⵏⵉⵙⵉ ⵢⵓⵎⵥ ⵜⵓⵎⵥⵉⵏ ⵏ ⵡⵓⵔⵖ.